நிகழ்வு நாள் : 04.09.2024

சென்னை, தரமணி, உலகத் தமிழாராய்ச்சி நிறுவனத்தில் இன்று (04.09.2024) அறக்கட்டளைச் சொற்பொழிவுகள் நடைபெற்றன. இந்நிகழ்ச்சிகளின் தொடக்கமாக “கலாநிலையம் டி.என்.சேஷாசலம் அறக்கட்டளை”மற்றும் " டாக்டர் செ.அரங்கநாயகம் அறக்கட்டளை" ஆகிய இரு அறக்கட்டளைகளின் பொறுப்பாளரும், நிறுவனத்தின் உதவிப் பேராசிரியருமான முனைவர் நா. சுலோசனா அவர்கள் வரவேற்புரை வழங்கினார். நிறுவன இணைப்பேராசிரியர் முனைவர் பெ. செல்வக்குமார் அவர்கள் முன்னிலை வகிக்க, நிறுவனத்தின் கூடுதல் பொறுப்பு இயக்குநர் திரு. கோபிநாத் ஸ்டாலின் அவர்கள் தலைமையுரையாற்றினார். தொடர்ந்து நடைபெற்ற முதல் பொழிவில் கிருஷ்ணகிரி அரசு ஆடவர் கலைக் கல்லூரி, தமிழ் விரிவுரையாளர் முனைவர் தா. பேகம் அவர்களின் “சிறுபஞ்சமூலம் வெளிப்படுத்தும் வாழ்வியல் சிந்தனைகள்”எனும் பொருண்மையில் சொற்பொழிவும் நூல் வெளியீடும் நடைபெற்றது. பின்பு நடைபெற்ற இரண்டாம் பொழிவில் பிரான்சு, பாரிசு, பேரா. முனைவர் அலெக்சிசு தேவராசு சேன்மார்க் “பிரான்சில் தமிழர் தடங்களும், தடயங்களும்”எனும் பொருண்மையில் சொற்பொழிவாற்றினார்.
இறுதியாக, உலகத் தமிழாராய்ச்சி நிறுவன மாணவி செல்வி அ. பவித்ரா இணைப்புரையாற்றிட நிறுவன மாணவர் செல்வன் ம. தமிழ்ச்செல்வன் அவர்கள் நன்றியுரையாற்றினார். இவ்விழாவில் தமிழார்வலர்கள், நிறுவனப் பேராசிரியர்கள், நிறுவன மாணவர்கள் மற்றும் அலுவலகப் பணியாளர்கள் கலந்துகொண்டு சிறப்பித்தனர்.

படச்செய்தி 1: 04.09.2024 அன்று உலகத் தமிழாராய்ச்சி நிறுவனத்தில் நடைபெற்ற “கலாநிலையம் டி.என்.சேஷாசலம் அறக்கட்டளை”சார்பில் கிருஷ்ணகிரி அரசு ஆடவர் கலைக் கல்லூரி, தமிழ் விரிவுரையாளர் முனைவர் தா. பேகம் அவர்களின் “சிறுபஞ்சமூலம் வெளிப்படுத்தும் வாழ்வியல் சிந்தனைகள்”எனும் பொருண்மையில் சொற்பொழிவும் நூல் வெளியீடும் நடைபெற்றது. நூலாசிரியருடன் நிறுவன உதவிப் பேராசிரியரும் அறக்கட்டளைப் பொறுப்பாளருமான முனைவர் நா. சுலோசனா, நிறுவன இணைப் பேராசிரியர் முனைவர் பெ.செல்வக்குமார், உலகத் தமிழாராய்ச்சி நிறுவன இயக்குநர் (கூ.பொ.) திரு. கோபிநாத் ஸ்டாலின், பிரான்சு, பாரிசு, பேரா. முனைவர் அலெக்சிசு தேவராசு சேன்மார்க் ஆகியோர்.

படச்செய்தி 2 : 04.09.2024 அன்று உலகத் தமிழாராய்ச்சி நிறுவனத்தில் நடைபெற்ற “டாக்டர் செ.அரங்கநாயகம் அறக்கட்டளை”சொற்பொழிவில் பிரான்சு, பாரிசு, பேரா. முனைவர் அலெக்சிசு தேவராசு சேன்மார்க் “பிரான்சில் தமிழர் தடங்களும், தடயங்களும்”எனும் பொருண்மையில் சொற்பொழிவாற்றினார். உடன் நிறுவன உதவிப் பேராசிரியரும் அறக்கட்டளைப் பொறுப்பாளருமான முனைவர் நா. சுலோசனா, நிறுவன இணைப் பேராசிரியர் முனைவர் பெ.செல்வக்குமார், உலகத் தமிழாராய்ச்சி நிறுவன இயக்குநர் (கூ.பொ.) திரு. கோபிநாத் ஸ்டாலின், கிருஷ்ணகிரி அரசு ஆடவர் கலைக் கல்லூரி, தமிழ் விரிவுரையாளர் முனைவர் தா. பேகம், நிறுவன மாணவர் ம.தமிழ்ச்செல்வன் ஆகியோர்.